“Жо, сен ишдан бўшадинг!” Трамп Байденнинг махфий маълумотларга киришини бекор қилмоқчи

АҚШ Президенти Дональд Трамп собиқ президент Жо Байденнинг махфий маълумотларни олиш ваколатини унинг хавфсизлик рухсатини бекор қилиш ва кундалик разведка брифингларини тўхтатиш орқали олиб ташлашини айтди. Бу ҳақда у кеча, 7 февраль куни Truth Social ижтимоий тармоғидаги саҳифасида ёзиб қолдирди.

Трамп Байден 2021 йилда Разведка ҳамжамиятига унинг (Трампнинг) лавозимидан кетганидан кейин миллий хавфсизлик тафсилотларига киришини чеклашни кўрсатиб, прецедент ўрнатганини таъкидлади, Трамп буни адолатсиз ҳаракат деб ҳисоблайди.

Президент, шунингдек, Байденни жиноятда айбламаган бўлса-да, жуда нозик махфий маълумотларни тўғри ҳимоя қила олмаган, унутувчан бош қўмондоннинг суратини чизган Хур ҳисоботидан иқтибос келтирган.

Трамп ўзининг миллий хавфсизликни ҳимоя қилишни биринчи ўринга қўйишини таъкидлаб, истеҳзо билан “Жо, сен ишдан бўшадинг” деб ёзди ва постини ўзининг “Американи яна буюк қилсин” шиори билан якунлади.

Маълумот учун, ўша пайтдаги президент Байден ўзидан олдинги президентга анъанавий тарзда собиқ президентларга бериладиган разведка брифингларини олишни тақиқлаб қўйган ва Трампнинг 6 январдаги Капитолий ҳужумидан олдинги “нотўғри хатти-ҳаракати”дан хавотир билдириб, унга нозик маълумотларга ишониб бўлмаслигини даъво қилган.

Бу собиқ президентнинг разведка брифингларини олишдан четлаштирилганлигининг биринчи мисоли бўлди. Бироқ Трамп Байденнинг хавфсизлик рухсатномасини ҳам бекор қилмоқчи эканлигини даъво қилиб, ундан бир қадам ўзиб кетди.

Моҳимбегим Маъруфалиева