Жиззахда ота алимент ўрнига фарзандларига 2 та уй берди
Жамият
−
19 Июль 2021 5805
Жиззах вилояти Мирзачўл туманида эркак 2 нафар қиз фарзанди учун алимент ўрнига 2 та уй берди. Бу ҳақда вилоят прокуратураси Матбуот хизмати хабар қилди.
Қайд этилишича, Мирзачўл туманида яшовчи Н.Т. эри М.Т. билан келишмовчилик сабаб 2016 йилдан бери алоҳида яшаб келган. Шу билан бирга уларнинг ўртасида 2 нафар қиз фарзанд ҳам бўлган. Аёл фуқаролик ишлар бўйича туман судига мурожаат қилган ва Мажбурий ижро бюроси туман бўлими томонидан ҳолат ўрганиб чиқилган.
Хабарга кўра, эркак ўзининг таклифи билан Жиззах вилояти Мирзачўл тумани Дўстлик маҳалласидан 1 хоналик ва Ғалаба маҳалласидан 3 хоналик уйни алимент тўлови бекор қилиниши эвазига берган.
Live
Барчаси