Жиззахда иккита юк машинаси ёниб кетди

3-саҳифа 9461
image

Бугун, 6 август куни Жиззах вилоятининг Ғаллаорол туманида иккита юк машинаси тўқнашиши оқибатида ёниб кетди. Бу ҳақда вилоят ФВБ Матбуот хизмати хабар берди.

Ҳодиса соат 04:14 ларда Ғаллаорол тумани 4Р автомобиль йўлининг “Кўкгумбаз” МФЙ Қоронғул қишлоғидан ўтувчи 30-км.да юз берган. 1986 йилда туғилган фуқаро С.Л. “Газель” русумли юк автомобилда “Ғаллаорол-Жиззах” йўналишида ҳаракатланиб кетаётганда бошқарувни йўқотиб, қарама-қарши йўналишдан келаётган, 2002 йилда туғилган фуқаро Ж.И. бошқарувидаги фура билан тўқнашган. Шундан сўнг, “Газель”да ёнғин чиққан.

Ҳодиса оқибатларини бартараф этиш учун Ғаллаорол тумани ФВБ ёнғин-қутқарув бўлинмаси соат 04:31 да ёнғин жойига етиб борган ва соат 04:50 да ёнғин тўлиқ бартараф этилган.

Қайд этилишича, ёнғин натижасида ҳар иккала автомобилининг салон қисми ёниб зарарланган. Жабрланганлар йўқ.

Суннатилла Абдуллаев
Мақолага баҳо беринг
Баҳолаганлар: 266
Рейтинг: 3
Теглар
t
×