“Жирона”га қарши ўйин олдидан “Реал” йўқотишга учради
Спорт
−
29 Октябрь 2022 2803
"Реал Мадрид" ҳужумчиси Родриго эртага, 30 октябрдаги Ла Лиганинг навбатдаги тури доирасида "Жирона"га қарши ўйинда иштирок этмайди.
Ошқозонидаги муаммо туфайли Родриго ўйинни ўтказиб юборади. Манба хабарига кўра, бразилиялик кеча, 28 октябрь куни ўзини ёмон ҳис қилган, шу боис бош мураббий Карло Анчелотти унга тикланиш учун вақт беришга қарор қилган.
Родриго Бензема йўқлигида ҳужумчи сифатида ўйнагани учун эртанги ўйинда бу ролни ким эгаллаши ҳозирча номаълум. Анчелоттида иккита вариант бор – Эден Азар ва Мариано Диас.
Родриго Гоес жорий мавсумда “Реал” сафида умумий 15 та ўйин ўтказиб, 6 та гол урди ва 5 та голли узатмани амалга оширди. Унинг “қироллик клуби” билан амалдаги шартномаси 2025 йилнинг ёзига қадар тузилган.
Шахзод Шукуров
Live
Барчаси