Жапаров инаугурация маросимида кортеж ва зиёфатдан бош тортди

Олам 6744
image

Аввалроқ, Садир Жапаров Қирғизистон Республикасининг янги Президенти сифатида эълон қилингани ҳақида хабар берган эдик. Жапаров расман 28 январдан бошлаб ушбу лавозимга киришади. Шу куни Токтогул Сатилганов инаугурация номидаги Миллий Филармония саройида Жапаровнинг инаугурацияси бўлиб ўтади. 

Айни вақтда янги президентнинг инаугурация маросимига тайёргарлик кўриш ва уни ўтказиш бўйича ташкилий қўмита тузилган. Ташкилий қўмитани давлат раҳбари девони раҳбари Суюнбек Қосмамбетов бошқаради.

Президент девонига кўра, Қирғизистоннинг янги Президенти Садир Жапаров инаугурация пайтида кортеж ва зиёфатдан бош тортган. 

“Мен катта миқдордаги молиявий харажатларни келтириб чиқарадиган махсус кортеж, зиёфат ва бошқа ташкилий тадбирлардан воз кечишга қарор қилдим. Президент лавозимига киришиш учун қонун билан талаб қилинган мажбурий тартибларни ҳисобга олиш ва амалга ошириш муҳимдир”, дея Президент матбуот хизмати Жапаровнинг сўзларини келтиради.

Республика раҳбарининг сўзларига кўра, “давлат ўз эътиборини халқ маблағларини халқ ва уларнинг эҳтиёжларини қўллаб-қувватлаш учун ишлатишга қаратиши керак”.

Янги Президент сўзида давом этаркан, Қирғизистондаги бугунги вазият, иқтисодий имкониятлар катта харажатларни тўхтатиб туришни тақозо этади. 

"Октябрь воқеаларидан кейинги сиёсий, иқтисодий, молиявий ва эпидемиологик вазиятни ҳисобга олган ҳолда, шуни таъкидлаш керакки, бундай вазиятда биз мамлакат иқтисодиёти учун оғир чоралардан воз кечишимиз керак. Менимча, одамлар тушунади ва бизни қўллаб-қувватлайди”, ,  - дея таъкидлайди Жапаров. 

Эслатиб ўтамиз, жорий йилнинг 10 январь куни Қирғизистонда навбатдан ташқари Президент сайлови ўтказилди. Унда 79,2 фоиз овоз тўплаб, Садир Жапаров ғалаба қозонди.

Qalampir.uz Tahririyati
Мақолага баҳо беринг
Баҳолаганлар: 250
Рейтинг: 2.9
t
×