Жапаров: Экстремистик ҳаракатлар Исломнинг қадр-қимматига путур етказди

Олам 4118
image

Сўнгги пайтларда диний экстремизмни тарғиб қилувчи, Исломнинг ёрқин ғояларини яширган турли хил ҳаракатлар унинг қадриятларига путур етказди ва бугунги кунда дунёнинг кўплаб мамлакатлари учун хавф туғдирмоқда. 

Бу ҳақда Қирғизистон Президенти Садир Жапаров шайх Зайд бин Султон Ал-Наҳайён (БАА) хайрия ва гуманитар жамғармаси бош директори Ҳамад Салем Кардус Ал-Америни қабул қилар экан айтиб ўтди.

Унинг сўзларига кўра,  диний таълим ва ўқитиш сифатини академик даражада ошириш ушбу таҳдиднинг олдини олишга ёрдам беради. 

Жапаров ҳозирги пайтда диний таълим Қирғизистон учун ҳам долзарб муаммо эканлигини таъкидлаган. Унинг ечими комплекс чора-тадбирларни қабул қилишни талаб қилади. Давлат раҳбари Токмок шаҳрида Ислом академиясини қуриш лойиҳасини қўллаб-қувватлаганлиги учун фондга миннатдорлик билдирди. 

Садир Жапаров ушбу лойиҳа Қирғизистон ва Бирлашган Араб Амирликлари ўртасидаги муносабатларни ривожлантириш учун қўшимча туртки бўлишига ишонади ва самарали ҳамкорликни давом эттиришдан манфаатдорлигини таъкидлади. 

Ҳамад Салем Кардус Ал-Амери Ислом академиясининг қурилиши ҳақида маълумот берди, бунинг учун Токмакда 2 гектар ер майдони ажратилган. 

2020 йилда пойдевор қўйиш режалаштирилган эди, аммо коронавирус пандемияси туфайли лойиҳани бошлаш кечиктирилган. 

Токмокда академиянинг келажакдаги биноси пойдевори остига капсула қўйиш маросими бўлиб ўтган. У ерда 200 киши таҳсил олиши кутилмоқда, улардан 150 нафари магистратура ва докторантурада таҳсил олади. Яна 50 та жой тайёргарлик курслари ва малака ошириш курсларига ажратилган. 

Олий таълим муассасаси диний фанларни чуқур ўрганишни ўз ичига олган дунёвий таълимдан иборат магистратура ва докторантура дастурлари учун аралаш таълим беради.

Qalampir.uz Tahririyati
Мақолага баҳо беринг
Баҳолаганлар: 72
Рейтинг: 2.9
t
×