Жаҳон чемпионатининг энг яхши футболчиси бўлишга даъвогарлар эълон қилинди

Аргентина терма жамоаси ҳужумчиси Лионель Месси Қатарда бўлиб ўтаётган футбол бўйича Жаҳон чемпионатининг энг яхши ўйинчиси сифатида эътироф этилишга биринчи рақамли даъвогар бўлиб турибди. Бу ҳақда Англиянинг “Goal” нашри ёзмоқда.

Иккинчи ўриндан Франция терма жамоасини ғолиблик сари бошлаётган Килиан Мбаппе ўрин олган. Мбаппе Мессининг клубдаги жамоадоши ҳисобланади. Иккиси ҳам ПСЖ шарафини ҳимоя қилади.

Кучли учликка яна бир франциялик футболчи Антуан Гризман якун ясаб берган. “Атлетико Мадрид” ҳужумчиси ушбу мундиалда Францияни ҳаракатга келтирувчи “моторга” айланган. Кўпчилик журналистлар ва мутахассислар айнан Гризманни Жаҳон чемпионатининг энг яхши футболчиси демоқда.

“Goal” талқинига кўра, ЖЧ-2022нинг энг яхши ўйинчиси бўлишга даъвогар 10 нафар футболчи билан танишинг:

1. Лионель Месси (Аргентина);

2. Килиан Мбаппе (Франция);

3. Антуан Гризман (Франция);

4. Софян Амрабат (Марокаш);

5. Ашраф Хакими (Марокаш);

6. Николас Отаменди (Аргентина);

7. Хулиан Альварес (Аргентина);

8. Оливье Жиру (Франция);

9. Бруну Фернандеш (Португалия);

10. Ришарлисон (Бразилия).

Маълумот учун, Қатардаги Жаҳон чемпионати якунланишига бор-йўғи иккита учрашув қолди. 17 декабрь куни Хорватия ва Марокаш учинчи ўрин учун беллашувда майдонга тушади. Аргентина ва Франция иштирокидаги финал эса 18 декабрга белгиланган. Учрашувлар Тошкент вақти билан 20:00 да бошланади.