Зеленскийнинг идораси Хитойнинг тинчлик режасини “урушни музлатиш” деб атади

Украина Президенти девони раҳбари маслаҳатчиси Михаил Подоляк Хитойнинг Украинадаги можарони ҳал қилиш режасини танқид қилиб, бу таклифлар тинчликка элтмаслигини айтди. Бу ҳақда у ўзининг Тwitter’даги саҳифасида ёзган.

“Фақат ўт очишни тўхтатиш ва бунинг натижасида янги бўлиниш чизиғини яртишни назарда тутувчи “тинчлик режаси” умуман тинчлик ҳақида эмас, балки у урушни музлатиш, Украина мағлубияти, Россия геноцидининг кейинги босқичлари ҳақида. Украинанинг позицияси узоқ вақтдан бери маълум – Россия қўшинларининг 1991 йил чегараларига олиб чиқилиши", деб ёзган Подoляк.

Эслатиб ўтамиз, аввалроқ Хитой ТИВ Украина инқирозини сиёсий йўл билан ҳал қилиш бўйича таклифлар киритилган ҳужжатни эълон қилган эди. Унда 12 банд, жумладан, ўт очишни тўхтатишга чақириш, хавфсизлик соҳасидаги барча мамлакатларнинг қонуний манфаатларини ҳурмат қилиш, Украинадаги гуманитар инқирозни ҳал қилиш, Москва ва Киев ўртасида ҳарбий асирларни алмашиш, шунингдек, БМТ Хавфсизлик Кенгашининг тегишли қарорисиз бир томонлама санкцияларни қўллашни бекор қилиш каби бўлимлар бор.

Алибек Бейжанов