Зеленскийни Ғарб қўллаб-қувватлашидан маҳрум қиладиган шарт айтилди

Олам 15105
image
-

Украина можарога дипломатик ечим излай бошласагина, Ғарб давлатларининг қўллаб-қувватлашидан маҳрум бўлиши мумкин. Бу фикр кеча, 22 ноябрь куни “The American Conservative” журналида чоп этилган мақолада нашр мухбири Брэдли Девлин томонидан айтилган. 

У Украина ракетаси Польшада қулаганидан кейин тегишли хулосага келган. Журналистнинг таъкидлашича, Ғарбнинг Украинани яширишга уриниши билан боғлиқ вазият Киев учун кучли сигналга айланди.  

“[Президент Владимир] Зеленский ва Украина Ғарбни ўз қўллаб-қувватлашларини қайта кўриб чиқишга, уни йўқотишга мажбурлаш учун ҳеч нарса айта олмайди ёки қила олмайди, фақат можарони дипломатик йўл билан ҳал қилиш ниятидан ташқари”, дейди Девлин. 

Унинг сўзларига кўра, НАТО Бош котиби Йенс Столтенберг Украинанинг Польшада ракетаси қулагани муносабати билан уни оқлаш учун ўз йўлидан кетди. Бундан ташқари, мухбирнинг фикрича, альянс давлатлари, жумладан, Польша ҳам воқеадан кейин Украинани чексиздек кўринган қўллаб-қувватлашларини қайта кўриб чиқиш аломатларини кўрсатмади. Девлин бундан кейин Зеленский Ғарбдан қурол ва пул сўрашда давом этиши мумкин деган хулосага келди. 

15 ноябрь куни Польша шарқида, Украина билан чегарада жойлашган Пшеводув қишлоғида (Люблин водийси) ракета қулаб тушди, икки киши ҳалок бўлди. Польша Президенти Анжей Дуданинг айтишича, республика расмийларига кўра, ўқ-дорилар Украина ҳаво ҳужумидан мудофаа кучларига тегишли бўлган. Варшавада воқеа бахтсиз ҳодиса деб ҳисобланади. АҚШ Давлат департаменти АҚШ маъмурияти Польша расмийлари хулосаларининг тўғрилигига тўлиқ ишонч билдиришини айтди. Россия Мудофаа вазирлиги маълумотларига кўра, ракета Украинанинг С-300 ҳаво мудофаа тизимидан учирилган.

Qalampir.uz Tahririyati
Мақолага баҳо беринг
Баҳолаганлар: 518
Рейтинг: 3
t
×