Зеленскийга суиқасд уюштиришни режалаштирган полковниклар ҳибсга олинди

Украинада Россия махсус хизматларининг кўрсатмалари билан Президент Владимир Зеленский, Украина хавфсизлик хизмати раҳбари Василий Малюк, Бош разведка бошқармаси раҳбари Кирилл Буданов ва бошқа юқори лавозимли амалдорларга суиқасд уюштиришга тайёргарлик кўраётган уч айбланувчи билан бирга Давлат хавфсизлик бошқармасининг икки полковниги қўлга олинди. Бу ҳақда Украина хавфсизлик хизмати хабар берди.

“Страна” нашрининг ёзишича, Давлат хавфсизлик бошқармаси полковниклари Андрей Гук ва Деркач қўлга олинган.

"Ҳужумчилар тинтув қилинди, унинг давомида тегишли қуроллар, шунингдек, жиноий фаолиятнинг бошқа далиллари топилди ва мусодара қилинди", дейилади Украина хавфсизлик хизмати хабарида.

Қайд этилишича, гумондорлар ижрочи роли учун улар Президент хавфсизлигига яқин бўлган, "давлат раҳбарини гаровга олиб, кейин уни ўлдириши мумкин бўлган" ҳарбий хизматчиларни излаган.

Хавфсизлик хизматининг таъкидлашича, улар Будановни Пасха байрамидан олдин у жойлашган уйга ракета зарбаси уюштириш орқали ўлдирмоқчи бўлган. Қолганларни йўқ қилиш учун дронлардан фойдаланиш ва қолган изларни олиб ташлаш учун бошқа ракетадан фойдаланиш режа қилинган. Ушбу миссия учун FPV дронлари, РПГ зарядлари ва пиёдаларга қарши миналар Украинанинг бошқа минтақасидан Давлат хавфсизлик бошқармаси полковниги томонидан шахсан олиб келинган.

“Терактнинг потенциал ижрочиси ва Россия Федерал хавфсизлик хизмати "куратори" ўртасидаги суҳбатлар ёзиб олинган”, дейилади Украина хавфсизлик хизмати баёнотида.

Давлат хавфсизлик бошқармаси ходимлари ҳибсга олинган.

Эслатиб ўтамиз, олдинроқ Польшада Украина Президенти Владимир Зеленскийга суиқасд уюштиришда гумон қилинган шахс қўлга олинганди.