Zelenskiy urush boshidan buyon Rossiya qancha harbiysini yo‘qotganini ochiqladi

Hafta davomida Rossiya Qurolli kuchlarining Ukrainadagi shaxsiy tarkibidagi yo‘qotishlar taxminan 9 ming kishini tashkil qilgan. Bu haqda Ukraina rahbari o‘zining videomurojaatida ma’lum qildi. 

Rossiya Mudofaa vazirligi esa Zelenskiyning RF Qurolli kuchlaridagi qurbonlar va yaradorlarning soni bo‘yicha keltirgan faktlarini rad etmoqda. Idoraga ko‘ra, 24 fevraldan beri 498 kishi harbiy harakatlarda halok bo‘lgan, 1,5 mingdan ortiq odam jarohatlangan

Prezident Ukraina armiyasi vaziyatni nihoyat o‘zgartirish uchun hamma narsani qilayotganini ta’kidlagan. 

Xususan, Zelenskiyning so‘zlariga ko‘ra, Nikolayev yo‘nalishida bosqinchilar harbiylar – qurbonlar va yaradorlarni olib ketish uchun o‘nlab vertolyotlardan foydalanishlari kerak. 

“19 yosh, 20 yosh – ular hayotda nima ko‘rdi, bundan tashqari, begona yurtni bosib olishdan tashqari?”, deydi davlat rahbari. 

Uning ta’kidlashicha, Ukraina harbiylarning jasadlari bilan qoplanishini istamaydi.

“Butun armiyangiz bilan uyingizga boring. O‘z amringga ayt, yashashni xohlaysan, o‘lishni xohlamaysan...”, deb rus harbiylariga murojaat qiladi Zelenskiy. 

Prezident, shuningdek, BMT Bosh Assambleyasida Rossiyaning Ukrainaga bostirib kirishini qoralovchi rezolyutsiya bo‘yicha ovoz berish natijalariga izoh berdi. 

“Rossiyani BMT Bosh Assambleyasida faqat to‘rtta davlat – Shimoliy Koreya, Eritreya, Suriya, Belarus qo‘llab-quvvatladi va uning boshqa do‘stlari bo‘lmaydi, chunki u tinchlikda yashashni bilmaydi”, deydi Prezident. 

Eslatib o‘tamiz, kecha, 2 mart kuni BMT Bosh Assambleyasi Rossiyadan Ukrainadagi urushni to‘xtatish va qo‘shinlarini olib chiqishni talab qiluvchi rezolyutsiyani qabul qildi.

Rezolyutsiya uchun 141 davlat yoqlab, besh davlat qarshi ovoz berdi, 35 davlat betaraf qoldi. Rossiya Federatsiyasi, Belarus, Suriya, Shimoliy Koreya va Eritreya qarshi chiqdi. Betaraf qolganlar – Xitoy, Hindiston, Kuba, Markaziy Afrika Respublikasi, Eron, Iroq, Qozog‘iston, Pokiston, JAR va boshqalar. Ozarbayjon, Turkmaniston va O‘zbekiston ovoz bermagan.