Зеленский Трампни Украина бўйича тинчлик режасини ошкор қилишга чақирди
Олам
−
20 Сентябрь 2023 5905
Украина Президенти Владимир Зеленский АҚШнинг собиқ президенти Дональд Трампни Украинада тинчликка эришиш режасини омма олдида баҳам кўришга чақирди. Бу ҳақда у CNN телеканалига берган интервьюсида айтиб ўтган.
“У ўз ғоясини ҳозир, вақтни беҳуда сарфламасдан омма олдида баҳам кўриши ва менинг формулам урушни, бу фожиани ва Россия агрессиясини тўхтатади, деб айтиши мумкин”, деган Зеленский.
Украина раҳбарининг сўзларига кўра, агар Америка собиқ президентининг ғояси Украина ҳудудларининг бир қисмини Россия Федерациясига “бериш” бўлса, “бу тинчлик формуласи эмас”.
Эслатиб ўтамиз, Дональд Трамп бир неча бор Зеленский ва Россия Президенти Владимир Путин билан Украинадаги можарони 24 соат ичида тугатиш бўйича келишувга эришиши мумкинлигини айтганди.
Live
Барчаси
