Зеленский Трамп билан учрашув олдидан европаликлар билан гаплашиб олди (видео)

Украина Президенти Владимир Зеленский бугун, 18 август куни Оқ уйда АҚШ Президенти Дональд Трамп билан учрашувдан олдин Украинанинг Вашингтондаги элчихонасида Европа етакчилари билан учрашди. Бу ҳақда у ўзининг Х'даги саҳифасида маълум қилди. 

Зеленский бу учрашувдан мақсад унинг мамлакати ва бутун Европа учун “ишончли ва мустаҳкам тинчлик” эканини айтди. У  АҚШ, Европа ва бошқалар Россия Президентига босим ўтказиши кераклигини ва ҳеч ким Владимир Путиндан ихтиёрий равишда агрессия ва янги босиб олиш уринишларидан воз кечишини кутмаслигини айтди.

Зеленскийнинг қўшимча қилишича, у ва европалик иттифоқчилар Трамп билан учрашув олдидан ўз позицияларини мувофиқлаштирган.

“Финляндия, Буюк Британия, Италия раҳбарлари, Европа комиссияси ва НАТО Бош котиби билан биргаликда Президент Трамп билан учрашув олдидан позицияларимизни мувофиқлаштирдик. Украина ҳақиқий сулҳга ва янги хавфсизлик архитектурасини ўрнатишга тайёр. Бизга тинчлик керак”, деди Зеленский.