O‘zbekiston olimpiya terma jamoasi yig‘ini yakunlandi

O‘zbekiston olimpiya terma jamoasi 14 fevral kunidan boshlab Ispaniyada yig‘inga kirishgan edi. Terma jamoa a’zolari u yerda 25 fevralga qadar mashg‘ulot olib borishdi. 

Yig‘in davomida yosh futbolchilar Shveysariyaning “Delemon” (2:2) va Gruziyaning “Lokomotiv” (3:2) jamoalariga qarshi o‘rtoqlik o‘yinlari o‘tkazishdi.  Shundan so‘ng Lyubinko Drulovich boshchiligidagi Olimpiya terma jamoasi yig‘inni Turkiyada davom ettirdi. Bu yig‘in davomida olimpiyachilar “Istambul Bashakshehir” klubining U-23 jamoasiga qarshi o‘yin o‘tkazib, 1:1 hisobida durang qayd etishdi. Kecha futbolchilar Turkiyadagi yig‘inni yakunlab, O‘zbekistonga qaytib kelishdi. 

Ma’lumot uchun, O‘zbekiston olimpiya terma jamoasi shu yilning 22-26 mart kunlari Toshkentda o‘tkaziladigan Osiyo chempionati saralashida ishtirok etadi. Terma jamoa a’zolari Osiyo chempionati yo‘llanmasini qo‘lga kiritish uchun Tojikiston, Hindiston va Pokiston terma jamoalari bilan kuch sinashishadi.