Yoshlar ishlari agentligi direktorining birinchi “zam”i Vazirlar Mahkamasiga o‘tkazildi
Jamiyat
−
21 yanvar 2022 6992 1 daqiqa
Sarvar G‘aniyevich Ashurov Vazirlar Mahkamasining Yoshlar, jamoat tashkilotlari, mahalla va oilani qo‘llab-quvvatlash masalalari kotibiyati mudiri lavozimiga tayinlandi.
Shu munosabat bilan u Yoshlar ishlari agentligi direktorining birinchi o‘rinbosari lavozimidan ozod etildi. U bu lavozimga 2020 yilning 10 iyulida tayinlangan edi.
Ma’lumot uchun, Sarvar Ashurov 1982 yilda tug‘ilgan, O‘zbekiston Milliy universiteti va Toshkent moliya instituti bitiruvchisi hisoblanadi. U muqaddam “Kamolot” YOIH raisi o‘rinbosari va tashkilotning vaqtinchalik raisi lavozimlarida ham faoliyat ko‘rsatgan.
Live
Barchasi