ЕИ бош дипломати русларни Европага йўлатмаслик таклифига қарши чиқди

Олам 5358
image
-

Россияликлар учун Европа Иттифоқига визалар беришни бутунлай тақиқлаш яхши таклиф эмас. Европа Иттифоқининг Ташқи ишлар ва хавфсизлик сиёсати бўйича Олий вакили Жозеп Боррель кеча, 28 август куни шундай баёнот берди.

Европа дипломатияси раҳбари Россия аҳолиси билан алоқаларни узмасликка чақирди. Унинг сўзларига кўра, бундай кенг қамровли қадамнинг оқибатлари ижобий бўлмайди.

“Ҳар қандай ҳолатда мен виза берилмаслиги тарафдори эмасман”, дейди Боррель.

Шунингдек, у Европа Иттифоқи мамлакатлари бу масалада якдиллик кўрсатишига шубҳа билдирган.

Шу билан бирга, Европа Иттифоқи Ташқи ишлар вазирлари Россия билан виза режимини соддалаштириш бўйича келишувни тўхтатиш таклифини қўллаб-қувватлаши мумкин. Бу ҳақда Британиянинг “Financial Times” газетаси хабар берган.

Эслатиб ўтамиз, Россия Давлат думаси спикери Вячеслав Володин Россия Федерацияси фуқароларига визалар бериш тақиқланса Европа мамлакатлари катта йўқотишларга дучор бўлишини, шунингдек,  русларга чет элда бўлмаса, ўз юртларида ҳам дам олишга жой борлигини таъкидлаган эди.

Фарангиз Салимова

.
Мақолага баҳо беринг
Баҳолаганлар: 143
Рейтинг: 2.9
t
×