Яшнободда автомобиль устахонаси ёниб кетди
Жамият
−
17 Июнь 2019 3704
Бугун, 17 июнь куни Яшнобод тумани Мухтор Ашрафий кўчасидаги автомобиль шиналарини таъмирлаш устахонаси ёниб кетди. Бу ҳақда Давлат Ёнғин хавфсизлик хизмати хабар берди.
Ёнғин ҳақида соат 10:07 да Тошкент шаҳар ЁХБ Куч ва воситаларни бошқариш ва мувофиқлаштириш марказига хабар тушган. Воқеа жойига 4 та ёнғин ўчириш бўлинмалари жалб этилган. Ёнғин соат 10:31 да тўлиқ бартараф этилган. Ёнғин ўчирувчиларнинг тезкор ҳаракатлари натижасида ёнғиндан устахона биносининг 15 кв.метр майдони сақлаб қолинган ва қўшни биноларга аланга ўтиб кетиши олди олинган.
Ёнғинда ҳалок бўлган ва тан жароҳати олганлар йўқ. Ёнғин оқибатида устахонанинг ички ва том қисмининг 25 квадрат метр майдони ёниб зарарланган. Ёнғинни келиб чиқиш сабаби ва моддий зарар миқдори аниқланмоқда.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
