Янгиланган P4P рейтинги эълон қилинди

Енгил вазн тоифасида UFC чемпиони австралиялик Александр Волкановски вазн тоифасидан қатъи назар промоушеннинг энг яхши жангчилари (P4P) рейтингида 1-поғонага кўтарилди. Янги рейтинг UFC сайтида эълон қилинди.

Александр Волкановски бир поғона юқорилаб, америкалик UFC чемпиони  Жон Жонс билан 1-ўринни эгаллади.

Охирги жангини Волкановски жорий йилнинг 9 июль куни Лас-Вегасда мексикалик Яир Родригесга қарши ўтказиб, рақибини 3-раундда техник нокаутга учратган эди. Австралиялик спортчи енгил вазн тоифасида UFC чемпионлик камарини бешинчи бор ҳимоя қилди. Родригесга қарши тўқнашув Волкановскининг россиялик UFC чемпиони Ислом Махачевга ютқазганидан кейинги биринчи жанги бўлди. 

Февраль ойида россиялик спортчи Волкановскини ҳакамларнинг бир овоздан чиқарган қарори билан мағлуб этди. Махачев вазн тоифасидан қатъи назар, энг яхши UFC жангчилари рейтингида 3-ўринни эгаллади.