Янги Тошкент шаҳрига Тошкент вилоятидан қанча гектар қўшилиши маълум бўлди
Жамият
−
31 Май 2023 13415
Янги Тошкент шаҳрини барпо этиш мақсадида Тошкент вилоятининг Юқори Чирчиқ ва Ўрта Чирчиқ туманларидан жами 19729,4 гектар ер майдони ажратилмоқда. Шундан 12905,7 гектар қишлоқ хўжалиги ерлари ва 6823,7 гектар бошқа ер тоифасидаги ерлар ҳисобланади. Бу ҳақда ЎзА хабар берди.
Маълум қилинишича, мазкур ерлардан фойданувчилар 772 тани ташкил этмоқда:
- фермер хўжаликлари ва бошқа қишлоқ хўжалиги корхоналари ерлари – 13185 гектар (242 та);
- ёрдамчи хўжаликлар ва иссиқхона ерлари – 203,8 гектар (49та);
- деҳқон хўжаликлари – 323,5 гектар (100 та);
- ўзга ердан фойдаланувчилар – 2263,2 гектар (379 та);
- аҳоли томорқалари – 3012,6 гектар;
- маҳаллий ҳокимият заҳирасидаги ерлар – 60,5 гектар (2 та);
- каналлар ва йўлларга ажратилган ерлар – 680,5 гектар.
Live
Барчаси
