Янги рекорд ортидан Италияда комендантлик соати жорий қилиняпти
Олам
−
19 Октябрь 2020 4783
Италиянинг барча шаҳарларида коронавирусга қарши курашиш мақсадида комендантлик соати жорий қилинади. Бу ҳақда Италия Бош вазири Жузеппе Конте маълум қилган.
"Шаҳар ҳокимлари эпидемиологик вазиятдан келиб чиқиб, соат 21:00 дан кейин чекловлар киритилиши тўғрисида қарор қабул қилишлари мумкин", деган Конте.
Шунингдек, у мамлакатдаги умумий овқатланиш жойлари фаолиятига ҳам чекловлар қўйилишини эълон қилган.
Унга кўра, энди Италиядаги барлар соат 18:00 да ёпилади. Лекин ресторан ва кафелар ярим тунгача ишлаши мумкин. Фақат столга олтидан кўп мижоз ўтириши тақиқланади.
Маълумотларга кўра, Италияда коронавирусга чалиниш ҳолати кундан-кунга ўсиб боряпти. Ўтган кеча-кундузнинг ўзида 11 минг 705 та янги ҳолат аниқланган. Бу пандемия бошланганидан бери рекорд кўрсаткич ҳисобланади. Яна 69 киши эса касалликдан вафот этган.
Маълумот учун, Италияда коронавирусга чалинганлар сони 414 мингдан ошиб кетган. 36 минг 543 киши вирус қурбони бўлган.
Дунёда эса коронавирус юқтириб олганлар 39 миллиондан ошган. 1,11 миллиондан кўп киши касаллик асоратлари оқибатида вафот этган.
Live
Барчаси