XXI асрнинг энг яхши ҳужумчилари рейтинги эълон қилинди

Франциянинг “Canal+” нашри ўз талқини бўйича XXI асрнинг энг яхши 15 нафар ҳужумчиси рейтингини эълон қилди. Унда аргентиналик футбол юлдузи Лионель Месси асрнинг энг яхши ҳужумчиси деб топилган. 

Манбага кўра, ушбу рўйхатда Аргентина терма жамоаси ҳамда “Интер Майами” клуби футболчиси Лионель Месси етакчилик қилмоқда. У замонавий футбол даврининг энг кучли ҳужумчиларидан бири сифатида эътироф этилган.

Рўйхатда “Реал Мадрид” афсонаси португалиялик юлдуз Криштиану Роналду бразилиялик Роналдо учинчи поғонадан жой олган. Шунингдек, Роналдиньо ва Тьерри Анри ҳам ушбу рўйхатда кучли бешликка киритилган.

XXI асрнинг энг яхши 15 ҳужумчилари рўйхатидан яна қуйидаги футболчилар ўрин олган: Карим Бензема, Килиан Мбаппе, Неймар, Роберт Левандовский, Дидье Дрогба, Самуэль Это’О, Златан Ибрагимович, Андрей Шевченко, Рауль, Луис Суарес.

Қайд этиш жоиз, Лионель Месси Испания чемпионати, “Барселона” ҳамда Аргентина терма жамоаси тарихидаги энг яхши тўпурар ҳисобланади. У миллий жамоа билан икки бор Америка кубоги (2021, 2024), Финалиссима (2022) ва 2022 йилги Жаҳон чемпионатида ғолиб чиққан. Аргентиналик футбол юлдузи 2023 йилдан буён АҚШнинг “Интер Майами” клубида ўйнамоқда. 2025 йил декабрь ойида у жамоаси билан MLS чемпионлигини қўлга киритди.