НАТО давлатлари 2 йил ичида Россия билан ҳарбий можарога киришиши мумкин – эксперт

north_east

НАТО Украинага ҳарбий ёрдам миқдорини эълон қилди

Германий Қуролли кучларини (Бундесвер) қайта қуроллантириш бўйича кенг кўламли режани ўнлаб йиллар давомида кечиктириш мумкин эмас. Бу ҳақда Британия Қироллик Бирлашган Хизматлар Институти (RUSI) катта илмий ходими Эд Арнольд бугун, 20 апрель куни чоп этилган Германиянинг DPA ахборот агентлигига берган интервьюсида шундай баҳо берди.

Унинг сўзларига кўра, НАТО давлатлари икки йил ичида Россия билан ҳарбий можарога киришиши ва бу, эҳтимол, Сувалки коридорида содир бўлиши мумкин.

“Биз 2027 йилдаёқ Россия билан урушга тайёргарлик кўришимиз керак”, деган у.

Шунинг учун, унинг фикрича, Бундесвер ҳозирда биринчи навбатда оғир ҳарбий техника арсеналлари – Leopard 2A8 танклари, TAURUS узоқ масофали қанотли ракеталари, Boxer зирҳли транспорт воситалари, IRIS-T зенит ракеталари ва Gepard қурилмаларини кўпайтириши керак.

“Германия Бундесвер ва Европадаги иттифоқчиларни таъминлаш учун ишлаб чиқаришни сезиларли даражада ошириши мумкин”, деган Арнольд.

Шу билан бирга, эксперт Берлинни Американинг F-35 қирувчи самолётлари ва Patriot ҳаво мудофаа тизимларини сотиб олиш бўйича қарорларини АҚШдаги сиёсий ўзгаришларни ҳисобга олган ҳолда қайта кўриб чиқишга чақирди.

Таҳлилчининг ёзишича, Украинадаги уруш энг илғор технологияларга эга бўлиш ҳар доим ҳам муҳим эмаслигини исботлади.

“Украинадаги ҳолат шуни кўрсатадики, сен ҳар доим ҳам энг зўри бўлишинг шарт эмас. Рақибдан бироз устун бўлишинг керак”, дейди у.

У мисол тариқасида дронларни келтирди.

“Уруш услубининг ўзгариши дронлар энг қуйи даражада қўлланаётганини англатади”, деди эксперт.

Эслатиб ўтамиз, аввалроқ Россиядан томондан таҳдид ортиб бораётгани сабабли НАТО давлатлари бу хавфга ер устида қарши туриш учун тайёргарлик кўришга киришгани ҳақида хабар берилганди. Бунинг учун аниқ, замонавий, жумладан 3D форматдаги хариталар зарур. Шу сабабли, “Le Figaro”нинг ёзишича, Франция ҳарбийлари махсус хариталар тузмоқда.