Ўзбекистоннинг турли ҳудудларида жами 16 нафар бемор соғайиб чиқди

Жамият 2782
image

Бухоро, Самарқанд ва Наманган вилоятида жами 15 нафар бемор коронавирусдан буткул соғайди. Бу ҳақда бугун, 10 июнь куни Соғлиқни сақлаш вазирлиги хабар берди.

"Бухоро вилоятида 7 нафар, Самарқанд вилоятида 6 нафар ва Наманган вилоятида 3 нафар, жами 16 нафар коронавирус инфекциясига чалинган бемор соғайиб, реабилитацияга кузатилди", дейилади хабарда.

Шу тариқа Бухорода жами касаллик қайд этилганлар сони 466 нафар бўлиб, эндиликда шундан 457 нафари тузалди. Айни пайтда вилоятда даволанаётганлар сони 5 нафарни ташкил этмоқда

Самарқандда жами касаллик аниқланганлар сони 381 нафар бўлиб, эндиликда шундан 327 нафари соғайди. Айни пайтда вилоятда инфекцияга чалинган 52 нафар бемор даволанмоқда.

Наманганда эса шу пайтгача 270 ҳолатда касаллик қайд этилган. Бугун вилоятда шифо топганларнинг сони 254 нафарга етди. Шу кунларда наманганлик шифокорлар яна 12 нафар инфекцияга чалинган бемор ҳаёти учун курашмоқда.

Маълумот учун, ҳозирда мамлакат бўйлаб коронавирус инфекциясидан соғайган беморлар сони 3475 нафарни ташкил этмоқда.

Нуруллоҳ Шарипов
Мақолага баҳо беринг
Баҳолаганлар: 47
Рейтинг: 3.1
t
×