Ўзбекистонликлар энг кўп нимадан ўлаётгани маълум бўлди

Аввалроқ Ўзбекистонда 2021 йилнинг январь-июнь ойларида 79,7 мингта ўлим ҳолати қайд этилгани ҳақида хабар бергандик. Қуйида Давлат статистика қўмитаси маълумотларига таяниб, ушбу ўлим ҳолатларига нима сабаб бўлгани ҳақида ахборот берамиз.

2021 йилнинг январь-июнь ойларида қайд этилган ўлим ҳолатининг:

•  61,4 фоизи — қон айланиш тизими касалликларидан; 
•  9,4 фоизи — ўсимталардан;
•  5,7 фоизи — бахтсиз ҳодиса, заҳарланиш ва жароҳатланишлардан; 
•  4,9 фоизи — овқат ҳазм қилиш аъзолари касалликларидан;
•  4,5 фоизи — нафас олиш аъзолари касалликларидан; 
•  1,9 фоизи — юқумли ва паразитар касалликлардан;
•  12,2 фоизи — бошқа касалликлардан вафот этган.

Рўйхатга олинган бир ёшгача вафот этган болаларнинг:

•  59,2 фоизи — перинатал даврда юзага келадиган ҳолатлардан; 
•  18,4 фоизи — нафас олиш аъзолари касалликларидан;
•  11,4 фоизи — туғма аномалиялардан; 
•  2,8 фоизи — юқумли ва паразитар касалликлардан; 
•  1,8 фоизи — бахтсиз ҳодиса, заҳарланиш ва жароҳатланишлардан; 
•  0,7 фоизи — овқат ҳазм қилиш аъзолари касалликларидан; 
•  5,7 фоизи — бошқа касалликлардан вафот этган.

Маълумот ўрнида, жорий йилнинг 1 июль ҳолатига кўра, Ўзбекистон аҳолиси 34 миллион 860 минг 200 кишини ташқил қилмоқда.