Ўзбекистонга 5 та замонавий электровоз келтирилади

“Ўзбекистон темир йўллари” АЖнинг локомотив парки жорий йил охирига қадар 3 та, 2020 йилнинг биринчи чорагида яна 2 та 3ЭС5К электровозлари билан тўлдирилади.

“Ўзбекистон темир йўллари” АЖга инвестициявий лойиҳалар дастурига кўра, шу йил бошида Россиядан 2 дона 3ЭС5К русумли янги электровозлар келтирилган эди. Иш фаолияти давомида мазкур электровоз мутахассислар томонидан  муваффақиятли синовдан ўтказилди. Шу боис асосан юк тортиш учун мўлжалланган локомотивдан яна 5 та олиб келиш бўйича шартнома имзоланган.

Маълумот ўрнида: Замонавий юк электровози 1минг 520 мм темир йўлларда юриш учун мўлжалланган бўлиб, 3 та секциядан иборат. Ҳар бир секцияда 4 та ғилдирак жуфтлиги ўрнатилган. Электровознинг тортиш кучи соатига 9 минг 840 киловатт ташкил этган бўлса, Хитойдан келтирилган 1 та секцияли “Ўзбекистон” электровозининг тортиш кучи соатига 6 минг киловатт эди. 

Кўриниб турибдики, мазкур локомотив бошқаларга нисбатан жуда катта кучга эга. Шунингдек, бир соатлик минимал юриш тезлиги 49,9 километр/соатни ташкил этади. Энг юқори юриш тезлиги 110 километр/соат Электровоз қишнинг изғирин совуғида ҳам, ёзнинг жазирамасида ҳам юришга мўлжалланган. Локомотив кабинаси тўлиқ компьютерлаштирилган бўлиб, машинист учун барча қулайликлар яратилган.