Ўзбекистондан Москвага учган учта рейс бошқа манзилларга йўналтирилди
Жамият
−
31 Август 2023 15738
Россия пойтахти Москва шаҳридаги Домодедово халқаро аэропортининг ҳаво ҳудуди ёпилганлиги сабабли Uzbekistan Airways’нинг қуйидаги авиақатновлари захирадаги аэропортларга йўналтирилди. Бу ҳақда Uzbekistan Airways АЖ хабар берди.
- HY611 рейси Самара халқаро аэропортига;
- HY9615 рейси Қозон халқаро аэропортига;
- HY9613 рейси эса Санкт-Петербург халқаро аэропортига.
Uzbekistan Airways АЖнинг қўшимча қилишича, Домодедово халқаро аэропортига парвозларни амалга оширган ва “Тўлиқ ёпиқ осмон” режими жорий этилиши муносабати билан захирадаги аэропортларга йўналтирилган барча ҳаво кемалари муваффақиятли қўнишни амалга оширган.
Орадан 2 ярим соатга яқин вақт ўтгач, HY611, HY9613 ва HY9615 рейсларини амалга оширувчи ҳаво кемалари ўз манзили, Москва шаҳрининг Домодедово аэропортига жўнаб кетган.
