Ўзбекистондаги энг коррупциялашган вилоят маълум бўлди

Самарқанд Ўзбекистондаги энг коррупциялашган ҳудуд деб топилди. Чунки ўтган бир йил мобайнида вилоятда 8 та коррупция билан боғлиқ жиноят иши қўзғатилган.

Маълум бўлишича, Самарқанд вилоятида соғлиқни сақлаш муассасалари томонидан 5 млрд 643 миллион сўм талон-тарож қилингани, 4,9 млрд сўмлик тендер ва 186,1 млн сўмлик электрон дўкон шаклидаги харидлар қонун талабларига зид равишда ташкил қилингани аниқланган.

Шунингдек:
•    -  Aндижон вилоятида 6 та; 
•    -  Тошкент шаҳрида 6 та; 
•    -  Жиззах вилоятида 4 та;
•    -  Наманган вилоятида 3 та; 
•    -  Қорақалпоғистон Республикасида 3 та; 
•    -  Тошкент вилоятида 2 та; 
•    -  Қашқадарё вилоятида 1 та; 
•    -  Навоий вилоятида 1 та коррупция билан боғлиқ жиноят содир этилган. 

Мазкур жиноятларнинг 4 таси республика, 10 таси вилоят, 20 таси туман-шаҳар ташкилотлари ҳисобига тўғри келади.

Маълумот ўрнида, ўтган бир йил мобайнида республикада 34 та коррупция билан боғлиқ жиноят иши қўзғатилган. Мазкур жиноят ишларининг 26 таси бюджет маблағларини талон-тарож қилиш, 3 таси ҳужжатларни қалбакилаштириш, 2 таси мансаб ваколатини суиистеъмол қилиш, 1 таси солиқ тўлашдан бўйин товлаш, 2 таси фирибгарлик ва фирибгарлик йўли билан пора олиш жиноятлари ҳисобланади.