Ўзбекистонда жамоат транспортида ягона тўлов тизими жорий этилади

Жамият 1934
image

Ўзбекистонда жамоат транспортларида ягона тўлов тизимини жорий қилинади. Бу ҳақда Тошкент шаҳар ҳокимлиги Транспорт вазирлигининг Тошкент шаҳар бошқармасига таяниб хабар берди. Янги тартиб 2020 йил 1 январидан ишга тушади.

Ушбу тизимнинг ишлаш тамойили қандай, чиптани қаерда ва қанчага олиш мумкин бўлади?

Ҳажм жиҳатидан банк пластик карточкасига ўхшаш алоқа тизимига уланмаган чипта ёрдамида Ўзбекистоннинг барча шаҳарларидаги ҳар қандай транспорт турида тўловни амалга оширса бўлади. Чиптани 30 минг сўмга сотиб олиб, мобил телефондаги илова ёки банк пластик карточкаси орқали (шу жумладан, халқаро тўлов тизимлари ёрдамида) маблағ билан тўлдириб бориш мумкин. Янги метро бекатларидаги турникетлар ушбу тизим жорий қилиниши учун мослаштирилган.

Чипталар тўрт хил бўлади: пенсионерлар, талабалар ва ўқувчилар учун, имтиёзли чипта ҳамда умумий ягона транспорт чиптаси. Транспортдан фойдаланиш учун тўлов ҳар бир ҳудудда ўрнатилган тарифга боғлиқ бўлиб, йўловчиларнинг турли тоифалари учун имтиёз ва чегирмалар ҳисобга олинади. Чипталарда чипта эгасининг расми туширилган бўлиши режалаштирилган ва улар давлат хизматлари марказлари томонидан берилади.

Транспортда Е-чиптадан қандай фойдаланилади?

Жамоат транспорти сафар учун тўловни ўзи ечиб оладиган ҳисоб қурилмалари билан таъминланади. Йўловчи чиптани қурилмага яқинлаштирса тўлов автоматик равишда ечилади.

Суннатилла Абдуллаев
Мақолага баҳо беринг
Баҳолаганлар: 58
Рейтинг: 3.1
t
×