Ўзбекистонда ёзги Осиё ўйинларини ўтказишга доир Ҳукумат қарори қабул қилинди

Жамият 1265
image

Ўзбекистон Республикаси Вазирлар Маҳкамасининг "Ўзбекистонда ёзги Осиё ўйинларини ўтказишни ташкил этиш тўғрисида"ги қарори қабул қилинди. Бу ҳақда Адляи вазирлигининг "Ҳуқуқий ахборот" каналида хабар берилди.

Қарор билан ёзги Осиё ўйинларини ўтказишни ташкил этиш учун муносиб инфратузилмани яратишга мўлжалланган чора-тадбирлар дастури ҳамда уни амалга ошириш бўйича ишчи гуруҳи таркиби тасдиқланди. 

Дастурга кўра, халқаро нуфузли мусобақаларни юқори савияда ўтказиш бўйича жамғарма ташкил этилади, Тошкент ва Самарқанд шаҳарларида  Олимпия шаҳарчалари қурилади. 

Эслатиб ўтамиз, навбатдаги XIX ёзги Осиё ўйинлари 2022 йил Ханчоу шаҳрида (Хитой), XX ёзги Осиё ўйинлари 2026 йил Нагоя шаҳрида (Япония) бўлиб ўтиши белгиланган бўлиб, 2030 йил XXI ёзги Осиё ўйинлари ўтказилиши жойи белгиланмаганлиги сабабли Ўзбекистон даъвогар сифатида Осиё Олимпия Кенгашига буюртма бериш имкони мавжуд.

Суннатилла Абдуллаев
Мақолага баҳо беринг
Баҳолаганлар: 35
Рейтинг: 2.9