Ўзбекистонда қолаётган хорижликларнинг визаси 1 ноябргача узайтирилди

Жамият 2902
image

Ўзбекистон ҳудудида бўлиб турган хорижий мамлакатлар фуқароларининг визалари яна автоматик равишда узайтирилади. Бу ҳақда Туризмни ривожлантириш давлат қўмитаси Матбуот хизмати хабар бермоқда. 

“Айни карантин даврида хорижий мамлакатлар фуқароларининг виза муддати автоматик равишда шу йилнинг 1 ноябрь кунига қадар узайтирилди. Бунда уларга нисбатан ҳеч қандай чоралар кўрилмайди, жарима ундирилмайди”, дейилади хабарда. 

Хорижий фуқароларнинг визалари бўйича янги тартиб Коронавируснинг Ўзбекистонга кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Республика махсус комиссиясининг қарорида қайд этилган. 

Маълумот ўрнида, Ўзбекистон ва хорижий давлатлар ўртасидаги авиа ва автомобиль қатновлари шу йилнинг 16 мартидан бошлаб 10 апрелига қадар вақтинчалик тўхтатилган эди. Кейинчалик ушбу муддат 5 май, 1 июнгача, сўнг 1 августга қадар узайтирилди. 

Ушбу масала бўйича қўшимча саволлар туғилган тақдирда, Ўзбекистон Республикаси Ташқи ишлар вазирлиги тезкор штаби (+998712332828, +998 971365151, call center – 1164, telegram: +998971365151)га ҳамда Туризмни ривожлантириш давлат қўмитаси ишонч телефони (+998712000088)га мурожаат қилишингиз мумкин.  

Qalampir.uz Tahririyati
Мақолага баҳо беринг
Баҳолаганлар: 52
Рейтинг: 3
t
×