Ўзбекистонда Экологик кодекс ишлаб чиқилади

Ўзбекистон Давлат экология қўмитаси кенг жамоатчилик, илмий-тадқиқот институтлари, фуқаролик жамияти институтлари ва оммавий ахборот воситалари вакилларини жалб этган ҳолда 2022 йил 1 декабрга қадар Экологик кодекс лойиҳасини ишлаб чиқади.

Лойиҳада қуйидагилар назарда тутилади ва белгиланган тартибда Вазирлар Маҳкамасига киритилади:

•    экологияга оид қонунчилик ҳужжатларини тизимлаштириш ва ихчамлаштириш;

•    атроф-муҳитни муҳофаза қилиш соҳасида жамоатчилик назоратининг роли ва таъсирини ошириш;

•    биохилма-хилликни асраш, тиклаш ва кўпайтиришнинг аниқ механизмлари ва рағбатлантириш тизимини жорий этиш;

•    атроф-муҳитни муҳофаза қилишда давлат ташкилотлари ва фуқароларнинг ҳуқуқ ва мажбуриятлари;

•    экологик назорат ва мониторинг турларини амалга ошириш тартиби, шу жумладан, “яшил иқтисодиётни” рағбатлантириш чоралари;

•    экологик экспертизани амалга ошириш тартиби.

Аввалроқ мамлакатда дарахт кесиш учун мораторий муддатсиз даврга узайтирилгани, уни бузганларга жарима оширилгани ҳақида хабар берган эдик.