Ўзбекистон ЖСТга аъзо бўлади. Бунда автомобилсозликка таъсир таҳлил қилинади

Ўзбекистон жорий йилда Жаҳон савдо ташкилотига аъзо бўлиши кутилмоқда. Бу ҳақда Янги Ўзбекистоннинг 2022–2026 йилларга мўлжалланган Тараққиёт стратегиясининг 91-мақсадида сўз боради. 

Унга кўра, жорий йил давомида Ўзбекистоннинг ЖСТга аъзо бўлиши бўйича Ишчи гуруҳнинг 5-6 йиғилишлари ўтказилади. 

Шунингдек, қишлоқ хўжалиги бўйича кўп томонлама музокаралар ташкиллаштирилади. Ташкилотга аъзо давлатлар билан товарлар ва хизматлар бозорига кириш бўйича икки томонлама музокаралар олиб борилади. 

Шу мақсадда Ўзбекистонлик мутахассисларнинг ЖСТ ва кўп томонлама савдо тизими соҳасида салоҳияти оширилади. 

Етакчи хорижий экспертларни жалб қилган ҳолда, товарлар ва хизматлар савдоси, интеллектуал мулк, қишлоқ хўжалиги, импортни лицензиялаштириш, савдодаги техник тўсиқлар, санитария ва фитосанитария тўғрисидаги битимлар бўйича семинар, тренинг ва давра суҳбатларини ташкиллаштириш ва тегишли ахборот-таҳлилий маълумотларни тайёрлаш ҳам муҳим устувор вазифалар сифатида белгиланган. 

Техник жиҳатдан тартибга солиш, санитария ва фитосанитария чоралари ва интеллектуал мулк ҳимояси соҳаларида миллий қонунчиликни ЖСТ битимларининг талабларига мувофиқлаштириш бўйича тегишли таклифлар ишлаб чиқилади. 

ЖСТга аъзо бўлиш доирасида етакчи хорижий экспертларни жалб қилган ҳолда миллий қонунчилик ўрганиб чиқишлади. 

Тажрибани ўрганган ҳолда cанитария ва фитосанитария чоралари, техник тартибга солиш, интеллектуал мулк ҳимояси соҳаларида тегишли норматив-ҳуқуқий ҳужжатларнинг лойиҳалари ишлаб чиқилиб ва Вазирлар Маҳкамасига кириталади. 

Яна бир муҳим жиҳат шундаки, Ўзбекистоннинг ЖСТга аъзо бўлишининг тўқимачилик, озиқ-овқат, автомобиль ишлаб чиқариш соҳаларига таъсири бўйича маълумотлар тайёрланади. 

Хорижий экспертларни жалб қилган ҳолда, республикани ЖСТга аъзо бўлишининг тўқимачилик, озиқ-овқат, автомобиль ишлаб чиқариш соҳаларига таъсири бўйича илмий тадқиқотлар олиб борилади. 

Тадқиқотлар доирасида ЖСТга аъзо бўлишнинг салбий таъсирини юмшатиш бўйича аниқ таклифлар ишлаб чиқилади.