Ўзбекистон йил бошидан бери қанча олтин сотгани маълум бўлди
Жамият
−
21 Июль 2020 14760
Жорий йилнинг январь-июнь ойларида Ўзбекистон 2 млрд 124,6 млн долларлик олтин экспорт қилди. Олтин Ўзбекистоннинг энг экспортбоп маҳсулоти бўлиб турибди. Бу ҳақда Давлат статистика қўмитаси маълум қилди.
Ўтган 6 ой давомида жами 6 млрд 285,4 млн долларлик маҳсулот экспорт қилинган. Бу ўтган йилнинг аналогик даврига нисбатан 22,6 фоизга кам.
Олтин сотиш жами экспортнинг 33,8 фоизига тенг. Таққослаш учун, аввалги икки йилда унинг улуши 26 фоиздан ошмаган.
Шунингдек, 1 млрд 175,2 млн долларлик саноат маҳсулотлари ва 1 млрд 12,3 млн долларлик хизматлар экспорт қилинган.
