Ўзбекистон МТЖ футболчиси янги жамоа билан шартнома имзолади

Ўзбекистон миллий терма жамоаси ҳужумчиси Шерзод Темиров янги мавсумда ҳам Ироқ чемпионатида тўп тепади. 27 ёшли футболчи “Заҳо” клуби билан икки йиллик шартнома имзолади. Бу ҳақда клуб матбуот хизмати хабар берди.

Манбага кўра, Ироқ клуби ўзбекистонлик ҳужумчи билан 2 йиллик шартнома имзолаган.
Темиров ўтган мавсум Ироқнинг “Арбил” клуби сафида ўтказганди. У чемпионатда 32 та учрашувда майдонга тушиб, 28 та гол урган ҳолда чемпионатнинг энг яхши тўпурари бўлганди.

Маълумот учун, “Заҳо” ўтган мавсум Ироқ чемпионатини 9-ўринда якунлаган. Клуб янги мавсумда Темиров ёрдамида ҳужум чизиғини кучайтириш ва юқори ўринлар учун курашишни мақсад қилган.

Шерзод Темиров фаолияти давомида “Машъал”, “Насаф”, “Пахтакор”, Эроннинг “Персеполис”, Гонконгнинг “Китчи” ҳамда Ироқнинг “Арбил” клублари шарафини ҳимоя қилган. Шунингдек, у Ўзбекистон миллий терма жамоаси билан Жаҳон чемпионати учун 30 талик таркибга ҳам киритилди, бироқ Темиров якуний 26 таликдан жой ололмагани сабаб 3 та учрашувда ҳам майдонга тушмади.