Ўзбекистон делегациясининг Париж-2024 лицензиялари сони яна биттага кўпайди

Спорт

−

01 Апрель visibility3229

Бугун, 1 апрель куни қиличбозлик спорт тури бўйича Париж-2024 ёзги Олимпия ўйинлари учун рейтинг очколарини жамғариш даври расман якунланди. Эътиборлиси, сабля йўналиши бўйича Ўзбекистон терма жамоаси аъзоси Зайнаб Дайибекова ушбу рейтинг орқали тўғридан тўғри 4 йилликнинг энг нуфузли мусобақасига йўлланма олди.

Шу тариқа, Дайибекова фаолиятида иккинчи бор Олимпия ўйинларининг иштирокчисига айланди. Қолган йўналишлардаги ўзбекистонлик қиличбозлар 27-28 апрель кунлари БААнинг Фужайра шаҳрида ўтадиган қитъавий лицензион турнир орқали йўлланма олишга ҳаракат қилади.

Шундай қилиб, ҳозирга келиб Ўзбекистон делегациясининг Париж-2024 ёзги Олимпия ўйинларига қўлга киритган лицензиялари 26 тага етди.

Мақола муаллифи