Ўзбекистон Бутунжаҳон Универсиадасида дастлабки медални қўлга киритди
Sport
−
29 July 2023 4360 1 minute
Хитойнинг Ченду шаҳри мезбонлик қилаётган XXXI ёзги Бутунжаҳон Универсиада ўйинларининг дзюдо беллашувларида ўзбекистонлик Камолиддин Бахтиёров бронза медалга эга чиқди.
-60 кг да баҳсларга киришган Бахтиёров ярим финалгача рақибларини бирин-кетин доғда қолдирди. Финалдан олдинги баҳсда Ўзбекистон вакили Токио Олимпиадасининг кумуш медали соҳиби, Хитой Тайпейи вакили Янг Юнг-Вейга қарши татамига чиқиб, мағлубиятга учради.
3-ўрин учун баҳсда Бахтиёров мўғулистонлик Сумиябазар Энхтайвандан устун келиб, Ўзбекистон жамоаси ҳисобига Универсиададаги дастлабки медални қўшиб қўйди.
Маълумот учун, Универсиада ўйинлари 8 августга қадар бўлиб ўтади. Бу йилги Универсиадада Ўзбекистон делегацияси таэквондо WT, дзюдо, ушу, гимнастика, теннис, қиличбозлик ва енгил атлетика спорт турларида 77 нафар атлет билан қатнашади.
Live
All