Ўзбекистон 10 ойда қанча олтин сотиб, қанча харид қилгани маълум бўлди

Жамият 9528
image

2020 йилда Ўзбекистон экспортининг 43,5 фоиз улушини олтин ташкил қилди. Бу ҳақда Давлат статистика қўмитасининг 2020 йил январь-октябрь ойлари давомидаги ташқи савдо айланмаси ҳақидаги маълумотида келтирилган.

Ўтган 10 ой давомида 5 млрд 804,4 млн долларлик олтин сотилган ва энг экспортбоб маҳсулот бўлган. Бу ўтган йилгига қараганда 43,5 фоизга кўп.

Экспорт бўйича иккинчи ўринни саноат маҳсулотлари эгаллади. Январь-октябрь ойларида 2 млрд 341,6 млн долларлик саноат маҳсулотлари экспорт қилинган ва жами экспортнинг 17,6 фоизига тенг бўлган.

Январь-октябрь ойлари бўйича Ўзбекистон импортининг ҳажми 16,7 миллиард долларни ташкил қилиб, 2019 йилнинг мос даврига нисбатан 84 фоизга тенг бўлди.

Импорт таркибида энг катта улуш, машиналар ва транспорт асбоб-ускуналари (37,8 фоиз), саноат товарлари (17,2 фоиз) ҳамда кимёвий воситалар ва бошқа тоифаларга киритилмаган шунга ўхшаш маҳсулотлар (14,0 фоиз) ҳисобига тўғри келди. Шунингдек, 25,3 миллион доллар олтин ҳам импорт қилинган.

Суннатилла Абдуллаев
Мақолага баҳо беринг
Баҳолаганлар: 384
Рейтинг: 2.9
Теглар
t
×