Уруш пайтида Россия жанговар қобилиятининг деярли ярмини йўқотди – Лондон

Буюк Британия мудофаа штаби бошлиғи Энтони Радакин Россия Украина билан уруш давомида жанговар қобилиятининг деярли ярмини йўқотганини айтди. Бу ҳақда у “Financial Times” газетасига берган интервьюсида гапириб ўтган.

“2022 йилда Россия қўшинлари 10 миллион артиллерия снарядларини ишлатган, мамлакат эса йилига энг кўп 1 миллион снаряд ишлаб чиқариши мумкин. Бундан ташқари, Россия 2500 та танкни йўқотди, лекин йилига энг яхши ҳолатда 200 та танк ишлаб чиқариши мумкин”, дейди Радакин.

Урушни ўрганиш институтига кўра, Украина кучлари асосий эътиборни ассиметрик эскириш градиентини яратишга қаратганга ўхшайди. Бу Қуролли Кучларга секинроқ ҳудудий ютуқлар эвазига ишчи кучини сақлаб қолишга имкон беради, шу билан бирга Россия ишчи кучи ва техникасини аста-секин камайтиради.

Институтнинг ҳисоботида таъкидланишича, Украина кучларининг жорий операциялари суръати унинг боши берк кўчага тушиб қолганини ёки Украина ўз ҳудудларининг муҳим қисмини қайтариб олишга қодир эмаслигини кўрсатмайди.

“Украинанинг ҳозирги қарши ҳужуми Харьков вилоятининг катта қисми озод қилинганидан кўра камроқ драматик ва тезкор ҳамда рус қўшинларининг муваффақиятсиз қишки ҳужумидан кўра муваффақиятлироқ бўлди”, дейилади ҳисоботда.