Уруш нафаси келмоқда. Россия жанубида ҳарбий техникалар билан тактик машқлар бошланди

Россия жанубида зирҳли техника, ракеталар ва артиллериядан фойдаланган ҳолда тактик машқлар бошланди. Жанубий ҳарбий округ ҳарбий хизматчилари яқин ҳафталарда Россия жанубидаги 15 та полигонда бошланган 30 дан ортиқ икки томонлама компания-тактик машғулотларида қатнашади. 

Машқлар Волгоград вилояти, Ставропол ўлкаси, Адигея, Чеченистон, Доғистон,  Карачай-Черкесия, Шимолий Осетия, Ингушетия ҳамда Абхазия ва Жанубий Осетиядаги Россия ҳарбий базаларида бўлиб ўтмоқда. 

Ҳар бир машғулотда 400 нафарга яқин ҳарбий хизматчи, 80 га яқин ҳарбий ва махсус техника иштирок этмоқда. Т-72Б3 танклари, БМП-3 пиёда жанговар автомашиналари, БТР-82А бронетранспортёрлари, “Корнет” ва “Хризантема-С” танкга қарши ракета комплекслари, турли артиллерия қурилмалари жалб этилган. 

Яқин уч ҳафта ичида Жанубий ҳарбий округ қўшинларида 30 дан ортиқ икки томонлама рота-тактик ўқув машғулотлари ўтказилади. 

Тактик ўқув машғулотларига қўшма қуролли қўшинларнинг баталён-тактик гуруҳлари, Каспий флотилияси ва Жанубий ҳарбий округ армия корпусининг мустаҳкамланган роталари жалб этилган. 

Ҳарбий хизматчилар Жанубий ҳарбий округнинг 15 та қўшма қуролли ўқув полигонларида жанговар тайёргарлик вазифаларини бажаради.