Ўрмон хўжалиги агентлиги директорига ўринбосар тайинланди
Жамият
−
04 Ноябрь 2023 7991
Ўзбекистон Республикаси Вазирлар Маҳкамасининг қарори билан Ғолиб Қурбонов Каримович Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Ўрмон хўжалиги агентлиги директорининг ўринбосари этиб тайинланди. Бу ҳақда Бош вазир матбуот котиби Бекзод Ҳидоятов маълум қилди.
Ғолиб Қурбонов 2017 йил 23 июндан Ўзбекистон Республикаси Ўрмон хўжалиги давлат қўмитаси раиси ўринбосари этиб тайинланган.
Ғолиб Қурбонов 1984 йил 6 июнь куни Қашқадарё вилоятининг Қамаши туманида туғилган. 2005 йил Тошкент давлат аграр университетини тамомлаган.
У 2006-2009 йилларда Қашқадарё Марказий ўрмон хўжалигида ўрмон муҳандиси сифатида, 2009-2012 йилларда табиатни муҳофаза қилиш Қашқадарё вилоят қўмитаси Ўсимлик ва ҳайвонот дунёсини муҳофаза қилиш вилоят инспекцияси етакчи мутахассиси бўлиб ишлаган.
2012-2014 йилларда эса худди шу инспекцияда бош мутахассис, 2014-2017 йилларда Қишлоқ ва сув хўжалиги вазирлиги Ўрмон хўжалиги бош бошқармаси Китоб давлат ўрмон хўжалиги директори лавозимларида фаолият юритган.
Live
Барчаси