Урганчдаги стадионда ёнғин юз бердими? ФВВ изоҳ берди
3-саҳифа
−
11 Апрель 2023 4313
Ижтимоий тармоқларда Урганч шаҳар “Олимпия” стадионида ёнғин чиққанлиги тўғрисида маълумотлар пайдо бўлди. Ушбу ҳолатга Фавқулодда вазиятлар вазирлиги матбуот хизмати расмий муносабат билдирди.
Билдирилишича, кеча, 10 апрель куни Хоразм вилояти Урганч шаҳар Паҳлавон Маҳмуд кўчасида жойлашган “Олимпия” спорт мажмуасида вилоят Фавқулодда вазиятлар бошқармаси, Урганч шаҳар ҳокимлиги ҳамда бошқа тегишли ташкилотлар ҳамкорлигида амалий-тактик ўқув машқлари ўтказилган.
Тадбирда 2 та ёнғин-қутқарув экипажлари қатнашиб, ўқув машқи шартларига кўра машъала шартли равишда ёқилган. Музкур тадбир соат 22:40 дан 23:30 гача давом этган.
Эслатиб ўтамиз, кеча, 10 апрель куни Самарқанд вилоятининг Ургут тумани “Қорабулоқ” маҳалласи ҳудудидаги газ тарқатиш шохобчасида ёнилғи сиғими 20 тонна бўлган юк машинаси ёниб кетиб, бир киши шифохонага ётқизилган эди.
Иброҳимжон Ғаффоров
Live
Барчаси
