Украинанинг ЕИга киришини тезлаштирадиган 5 та шартнома имзоланди

Олам 5587
image

Украина ва Европа Иттифоқи мамлакатнинг жамиятга интеграциялашувини рағбатлантиришга қаратилган бешта келишувни имзолади. Бу ҳақда бугун, 5 сентябрь куни Брюсселда Бош вазир Денис Шмигал маълум қилди. 

“Украина ва ЕИ ўртасида бир вақтнинг ўзида бешта битим имзоланди, бу мамлакатимизни Европа Иттифоқига қўшилиш жараёнига яқинлаштирди”, деб ёзди ҳукумат раҳбари ўзининг Telegram-каналида.  

Шмигалнинг сўзларига кўра, гап Украина Европа Иттифоқининг 2021-2027 йилларга мўлжалланган “Рақамли Европа” дастурида божхона ва солиқ соҳаларида ҳамкорлик дастурларида иштирок этиши, Киевга 500 миллион евро миқдорида бюджет қўллаб-қувватлашини таъминлаш ва грантлар маблағларини 122 миллион еврога ошириш ҳақида бормоқда. 

Бош вазир маълум қилганидек, Европа Иттифоқининг ташқи ишлар ва хавфсизлик сиёсати бўйича олий вакили Жозеп Боррель билан учрашувда у Россия Федерациясига қарши санкциялар ва Россия активларини “қидирув ва мусодара қилиш” бўйича ҳамкорликни муҳокама қилган.  

"Мен Жозеп Боррелга Украина унинг биргаликдаги хавфсизлик ва мудофаа сиёсатининг бир қисми сифатида Украинани қўллаб-қувватлаш учун Европа Иттифоқи ҳарбий миссиясини яратиш ташаббусидан манфаатдор эканлигини маълум қилдим”, деб ёзган Шмигал.

У бундай миссиянинг вазифасини украиналик ҳарбий хизматчиларнинг асосий ва махсус тайёргарлигини ташкил этиш деб билишини қўшимча қилди.

Бугун Прагада бўлиб ўтган Европа Иттифоқининг парламентлараро конференциясида видеомурожаат қилган Боррель Европа Иттифоқи 2021 йилда Украина армиясини тайёрлаш бўйича миссия яратиш масаласини муҳокама қилганини ва бу лойиҳа ўз вақтида амалга оширилмаганидан афсусда эканини айтди. Олий вакил 30-31 август кунлари Прагада Европа Иттифоқи Ташқи ишлар вазирлари Украинадан ташқарида бундай миссияни шакллантириш бўйича сиёсий келишувга эришганини эслатди. Боррелнинг сўзларига кўра, жамият аъзолари ўрта ва узоқ муддатли истиқболга мўлжалланган миссия параметрларини такомиллаштиришга тўғри келади.

Qalampir.uz Tahririyati
Мақолага баҳо беринг
Баҳолаганлар: 58
Рейтинг: 2.9
t
×