Украиналик вазир Москвага танкда киришга ваъда берди

Украина инфратузилмаси вазири Владимир Омелян Киев Москва билан "урушда" ғалаба қозонишини айтди, дея хабар бермоқда РИА Новости. 

Киевда "Озодлик омили" кўргазмасининг очилишида сўзга чиққан Омелян, Франция Президенти Эммануель Макроннинг "Лиссабондан Владивостокгача бўлган Европа" ҳақидаги сўзларига изоҳ берди. Унинг фикрича, Европа Украина байроғини Владивостокдан баланд кўтарганидагина шундай бўлади.

Шунингдек, у "навбатдаги Украина-Россия жангида" ғалаба қозонишига ишонч билдирди.

"Мен Лиссабондан Владивостокгача Европани эълон қилган европа либераллари ҳақ эканига аминман. Бу ҳақиқатан ҳам Европа бўлади. Aммо Украина байроғи яна Владивосток устидан кўтарилганда. Юз йил олдин бўлгани каби", деди вазир. 

Aввалроқ, Владимир Путин билан учрашувдан кейин Макрон Facebook`даги постида "Лиссабондан Владивостокгача чўзилган Европага ишонади" ва Россия "чуқур Европа мамлакатидир" деб ёзган.

Омелян 2016 йил апрель ойида Украина инфратузилмаси вазирлигини бошқарган. Иш пайтида у бир қатор жанжалли баёнотлар билан эсда қолди. Хусусан, у Россия билан темир йўл алоқаларини тўхтатиш тарафдори эди, гарчи бу Москва учун Украина учун рентабеллик бўйича етакчи ўринни эгаллаган. Бундан ташқари, Омелян Москвага танкда киришга ваъда берди.