Украина дунё армиялари рейтингида нечанчи ўринни олди?
Олам
−
07 Январь 2023 18460
Дунё армияларининг йиллик рейтингини тузувчи Global Firepower портали Украина Қуролли Кучларини 15-ўринга қўйди. Порталда эълон қилинган маълумотлар шундан далолат бермоқда.
Украина Қуролли кучлари Австралия (16-ўрин), Эрон (17-ўрин) ва Польшани (20-ўрин) ортда қолдириб, 14-ўринни эгаллаган Мисрга имкониятни бой берди. 2022 йилда Украина Қуролли кучлари 22 ўринда эди. Рўйхат тузувчиларнинг фикрича, Украина “[Россия Федерациясининг ҳарбий амалиётига] муносабати, Ғарбнинг молиявий ва моддий ёрдами туфайли” рейтингдаги ўрнини яхшилашга муваффақ бўлган.
Дунёдаги энг кучли армияга эга давлатларнинг бешталигига АҚШ, Россия, Хитой, Ҳиндистон ва Буюк Британия киради.
Global Firepower портали 2006 йилдан бери дунёнинг 140 та армиясини баҳолаб келади. Портал муаллифларининг қайд этишича, рейтингни тузишда қуролли кучлар сони, техник жиҳозланиш даражаси, молиялаштириш, замонавий технологиялардан фойдаланиш ва моддий-техника имкониятларини ҳисобга олиш имконини берувчи 50 га яқин омиллар баҳоланади.
Эслатиб ўтамиз, Ўзбекистон ушбу рейтингда 145 та давлат орасида 62-ўринни эгаллади.
Live
Барчаси