Украина Бахмутнинг бир қисмини қайтариб олди

Кеча, 12 май куни Россия Бахмут шимоли янги ҳужумдан сўнг Украинага қайтганини тан олди. Бу ҳақда “Reuters” хабар берди.

Украина кучларининг шарқий гуруҳи матбуот котиби Сергей Череватийнинг маълум қилишича, Украина қуролли кучлари Бахмут секторидаги уч кунлик қарши ҳужум фаолияти давомида 17,3 километр квадрат ҳудудни қайтариб олган.  

Гарчи Киев узоқ вақтдан бери режалаштирилган қарши ҳужум расман бошланганини рад этган бўлсада, иккала томон ҳам Украинанинг олти ой ичида энг катта ютуқлари ҳақида хабар бермоқда. 

Россия Мудофаа вазирлиги матбуот котиби Игор Конашенковнинг айтишича, Украина Бахмут шимолида 1000 дан ортиқ аскар ва 40 тагача танк билан ҳужум уюштирган.

“Россия кучлари 26 та ҳужумни қайтарди, бироқ қўшинлар Бахмут шимоли-ғарбидаги Берхивка сув омбори яқинида яна қулайроқ позицияларга қайтди”, деган Конашенков.

Шаҳардаги кампанияни бошқарган “Вагнер” қўшинлари бошлиғи Евгений Пригожин эса ўз аудиомурожаатида Конашенков тасвирлаган нарса, қайта гуруҳлаш эмас, балки “қочиш” деб номланишини айтган. Пригожиннинг алоҳида видеомурожаатида украиналиклар Бахмутга қараган баланд ерларни эгаллаб, шаҳарга ғарбдан олиб борадиган асосий магистрални очганини тан олган.