UFC рейтингида катта ўзгаришлар бўлди

БАА пойтахти Абу-Дабида бўлиб ўтган UFC 280 промоушени жанглари табиийки, UFC рейтингига ҳам таъсир қилди.  Янгиланган рейтингдан кўриш мумкинки, ярим ўрта, енгил ва энг енгил вазн тоифалари рейтингида ўзгаришлар содир бўлган.

Ярим ўрта вазн (77,1 кг гача) да АҚШ вакили Белал Муҳаммад Шон Бредини мағлуб этиб, 6-ўриндан 4-ўринга кўтарилди. Ҳамзат Чимаев (Швеция) 4-ўриндан 5-ўринга тушиб кетди. Бразилиялик Гилберт Бёрнс ҳам рейтингда бир поғона пастлаб. 6-ўриндан жой олди. Қозоғистонлик Шавкат Раҳмонов 9-ўринга кўтарилган бўлса, Шон Бреди (АҚШ) 10-ўринга тушиб кетди.

Енгил вазн (70,3 кг гача) да Ислом Махачев (РФ) бразилиялик Чарльз Оливейрани мағлуб этди ва 5-ўриндан 1-ўринга кўтарилиб олди. Оливейра эса рейтингда бир поғона пастлади. Дастин Порье (АҚШ) 2-ўриндан 3-ўринга тушиб кетди. Яна бир АҚШ вакили Жастин Гетжи икки поғона пастлаб, 5-ўриндан жой эгаллади.

Энг енгил вазн (61,2 кг гача) да Мераб Двалишвили (Грузия) 4-ўриндан 2-ўринга кўтарилди. Петр Ян (РФ) 2-ўриндан 3-ўринга тушиб кетди. Эквадорлик Марлон Вера 5-ўриндан 4-ўринга кўтарилди, Шон O'Мэлли (АҚШ) Петр Янни мағлуб этиб, кучли ўнталикка киришни уддалади. Янгиланган рейтингда О'Мэлли 5-ўринни банд этган.

Шунингдек, энг енгил вазнда америкалик Диллашоу, Жозе Алду (Бразилия), Доминик Круз, Роб Фонт (иккаласи ҳам АҚШ) рейтингда пастлашган,

Эслатиб ўтамиз, 22 октябрь кунги UFC 280 оқшомида, Ислом Махачев Чарльз Оливейрани мағлуб этиб, енгил вазнда UFC камари соҳибига айланганди.

Шахзод Шукуров