Туркиялик мутахассис Uzbekistan Airways раисига ўринбосар бўлди
Жамият
−
20 Июнь 2020 4331
Туркиялик мутахассис Орхан Сиврикая Uzbekistan Airways бошқарув раисининг ўринбосари этиб тайинланди. Бу ҳақда Корпоратив ахборот ягона порталидаги маълумотларда кўрсатилган.
Uzbekistan Airways АЖнинг бошқарув раиси в.б. Бахтиёр Ҳакимов ўрнатилган тартибда Орхан Сиврикая билан меҳнат шартномаси имзоланишини таъминлаши белгилаб қўйилган.
Орхан Сиврикая Босфор университетини тамомлаган. Туркия, Европа ва Шимолий Америкада турли лавозимда фаолият юритган. Жумладан, Turkish Airlines вице-президенти бўлган.
2017 йилнинг ноябрь ойида “Ўзбекистон ҳаво йўллари”нинг стратегик ривожланиш бўйича маслаҳатчиси бўлган. Авиакомпанияни ривожлантириш стратегияси, жадвалларни оптималлаштириш, самолётлар паркини режалаштириш, маркетинг ва бошқаларни ишлаб чиқишда иштирок этган.
Live
Барчаси
