ЦСКАга тўлиқ мослашдим – Файзуллаев

Ўзбекистонлик ярим ҳимоячи Аббосбек Файзуллаев ЦСКА футбол клубига тўлиқ мослашди. Бу ҳақда унинг ўзи ОАВга маълум қилди.

7 апрель куни Россия Премер-лигаси (РПЛ) 23-тур учрашувида ЦСКА ўз майдонида “Факел”ни 4:1 ҳисобида мағлуб этди. “Армиячилар” клубининг голларидан бирига Файзуллаев муаллифлик қилди.

“Ғалабадан ва уч очкони қўлга киритганимиздан хурсандмиз. Ўйлайманки, мухлисларга ўйин ёқди, лекин энг муҳими биз уч очкони қўлга киритдик. Мен ЦСКАга тўлиқ мослашдим. Терма жамоадан кейин формага туша олмаётгандим, лекин ҳозир ўзимни яхши ҳис қиляпман. Доим майдонда жамоага ёрдам беришни хоҳлайман”, дейди Файзуллаев.

Шунингдек, Файзуллаев Москва клубининг охирги пайтларда баҳсларда ютиб туриб, нега якунда ғалабани қўлдан чиқараётганига изоҳ берди.

“Баъзи ўйинларда сўнгги дақиқаларда концентрацияни йўқотиб қўйдик. Шу туфайли биз кўп голлар ўтказиб юбордик ва очко йўқотдик, лекин ҳар бир ўйинда майдонга ғалаба қозониш учун тушамиз. Агар мавсум якунига кўра, кучли учликка кирсак, жуда хурсанд бўламан”, дейди Файзуллаев.

Маълумот учун, 20 ёшли Файзуллаев ҳозирга қадар ЦСКА таркибида турли турнирларда 23 та ўйинда майдонга тушди. Ярим ҳимоячи 3 та гол урди ва 9 та голга ассистентлик қилди.