Трампнинг тариф режалари ўзгариши мумкин – WP

АҚШнинг сайланган президенти Дональд Трампнинг ёрдамчилари барча мамлакатларга тааллуқли, фақат муҳим импортларни қамраб оладиган тариф режаларини ўрганмоқда. Бу ҳақда бугун, 6 январь куни “The Washington Post” хабар берди.

Унинг сўзларига кўра, агар амалга оширилса, бу республикачи илгари айтган сайловолди ваъдаларидан четга чиқиш бўлади. Трамп сайловолди ташвиқоти чоғида Қўшма Штатларга импорт қилинадиган барча маҳсулотлар учун 10-20 фоизлик универсал божлар ҳақида гапирган.

“Бироқ, бу шаклда ҳам чора-тадбирлар том маънода жаҳон савдосини оширади ва АҚШ иқтисодиёти ҳамда истеъмолчилари учун жиддий оқибатларга олиб келади”, дея таъкидлаган нашр.

Икки манбага кўра, бу пўлат, темир, алюминий ва мисга бож тўлаш орқали бир қанча секторлар, хусусан:

• мудофаа саноати учун;
• тиббиёт соҳаси бўйича – шприцлар, игналар, ампулалар ва фармацевтика маҳсулотлари учун божлар орқали;
• шунингдек, энергия ишлаб чиқариш бўйича – аккумуляторлар, ноёб тупроқли минераллар;
• ҳатто қуёш панеллари импорти солиққа тортилади.

Нашр суҳбатдошларига кўра, ҳозирча ҳеч қандай қарорлар қабул қилинмаган. Бу режалар Трампнинг Мексика ва Канадага 25 фоизлик божлар ва Хитойга миграция ва гиёҳванд моддалар савдосини камайтириш чораларини кўрмаса, қўшимча 10 фоизлик божлар жорий этиш нияти билан қандай кесишиши ҳам номаълум.

Эслатиб ўтамиз, аввалроқ АҚШнинг сайланган президенти Дональд Трамп Канада Бош вазири Жастин Трюдога қўнғироқ қилиб, агар Канада ҳудудлари АҚШнинг 51-штатига айланса, канадаликлар учун солиқлар 60 фоиздан кўпроққа камайтиришини айтганди.