Трамп жабрланганларга ажратилган 100 млн доллар йўқолганини эълон қилди

АҚШ Президенти Дональд Трамп Лос-Анжелесдаги ёнғинлардан жабрланганларга ёрдам сифатида ажратилган 100 миллион доллар йўқолганини маълум қилди. Бу ҳақда у ўзининг Х ижтимоий тармоғидаги саҳифасида эълон қилди.

“Тўлиқ фалокат. Афтидан, бу навбатдаги демократлар илҳомлантирган фирибгарлик. 100 миллион доллар йўқолган. Бу маблағлар Лос-Анжелесдаги ёнғинлардан жабрланганларга ёрдам учун ажратилганди. Тўғри бошқарув бўлганида бу ёнғинлар бўлмасди”, деб ёзди Трамп.

Шунингдек, у Калифорния губернатори миллиардлаб галлон сувни чиқаришга рози бўлмаганини, бироқ Трамп унинг қарорини бекор қилганини қўшимча қилган.

Эслатиб ўтамиз, жорий йил бошида АҚШ собиқ президенти Жо Байден Калифорнияда йирик табиий офат ҳолатини эълон қилиб, штат ва маҳаллий кучлар ҳаракатига қўшимча тарзда федерал ёрдам кўрсатишни буюрган.

Калифорнияда ўрмон ёнғинлари 7 январда бошланган. Ўша вақтда 30 мингга яқин одам эвакуация қилинган эди.